-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.
مــن يــوم كنت أنـا صغير يوم كنت في ركني أسير
أبــــكي بحــرقـه وأذكـــر أيــــام عشـت فيها كسير
مـــالي بهــالـدنيــا قـلــــب ينفتح لي واشكـي المرير
مـــالي غــيــــر الله إلــــهٍ أشكــي له همــي الكبيـر
مـــالـي غيـــر الله
يا هم لي ربٍ كبيـر
نكبـــــر وننســى اللـي مضـى ونفتـح (ا)كتـــابٍ جــديــد
و(ف) كل صفحه تطوى وتمر ألـفٍ حزين و واحـد سعيـد
أحســـب إنــي لـــي صـديـــق يسمعني لـو قلت اللي أريـد
صـــديــق يفهمنــي و يضمني حتــى لو كــل يــوم أعيــد
بس مالي بهالدنيا صديق
مـــالـي غيـــر الله
غطّـــى هالـشّـيب الشّعـــر ورديت (ا)بركني و(ا)بمكاني
لا عيـــال حـــولي بهالعمـر وأنــــا وحيــد أرثــي زمــاني
وف كل حياتي ف كل سطر ردّدت هـالجمــلــه عـشــــاني
مـــالـي غيـــر الله
مـــالـي غيـــر الله
—————————————————————-
3ain el 9a8er©
الحقيقه راودتني هالكلمات بعد الحاله النفسيه والعصبيه الفظيعه اللي عشتها .. حسيت فيها بكرهي لنفسي وللدنيا ولكل اللي حولي .. حسيت بغصه وبألم ،، حسيت أبي أكلم حد وأصيح بحضنه .. على كثرهم الناس اللي يوا ف بالي بس ما بغيت ولا حد فيهم سواء كان قرييييييب والا بعيد ، عزييييييز واللا شخص عادي ،،، محد بيفهمني مثل ما أبا ، محد بيستوعب اللي أبي أقوله ،، محد بيتحملني لو عدت وزدت نفس الموضوع 20 ألف مره حتى لو كان معذبني ،، محد … ما لي غير الله سبحانه .. كل لحظه وكل وقت وكل ساعه ،، ليل واللا نهار ،، صبح ومسا ،، حزن واللا فرح ،، راحه أو غضب ،، مذنب واللا تايب … والله مالي غيرك يا الله ،،، سبحانك ياربي … ماعرف شو اقول ،، سبحانك الله وبحمدك كما ينبغي لجلال وجهك وعظيم سلطانك..
الكلمات والقافية أبداً مو موزونة لأني كنت أكتب الكلمات وانا أنشدها … وغالباً ما ألاحظ إن كلمات الأناشيد العامية ما اتكون على وزن وقافيه وحده ،،، فبخلي نشيدتي جي بعد مو موزونه ..
الأوسمة: وحيد، الله معاي
